Аймаг, нийслэл, сум, дүүргийн ИТХ-ын Төлөөлөгчдийг сонгох 2024 оны ээлжит сонгуулийн үр дүнд бий болсон Бүрэгхангай сумын ИТХ өнөөдөр буюу 2024-10-30-ний өдөр Анхдугаар хуралдаанаа Иргэний танхимд 100 хувийн ирцтэйгээр эхэллээ. Монгол улсын Засаг захиргаа, нутаг дэвсгэрийн нэгж, түүний удирдлагын тухай хуульд заасны дагуу сонгогдсон төлөөлөгчдөөс насаар хамгийн ахмад болох Дархан багаас сонгогдсон төлөөлөгч Н.Энхтуяа удирдлаа. Хуралдааны эхэнд сумын сонгуулийн хорооны дарга И.Ичинхорлоо ээлжит сонгуулийн дүн, сонгогдсон Төлөөлөгчдийн бүрэн эрхийг хүлээн зөвшөөрүүлэх тухай илтгэлийг танилцуулав. Анхдугаар хуралдаанаар: 1. Аймаг, сумын ИТХ-ын Төлөөлөгчөөр сонгогдсон төлөөлөгчийн хүсэлтийг хэлэлцэн шийдвэрлэх тухай 2. Анхдугаар хуралдааны дэг батлах тухай 3. Сумын ИТХ-ын даргыг сонгох, чөлөөлөх тухай 4. Сумын ИТХ-ын Зөвлөл байгуулах, Зөвлөлийн гишүүнийг сонгох 5. Сумын Засаг даргад нэр дэвшүүлж аймгийн Засаг даргад уламжлах тухай зэрэг асуудлыг хэлэлцэн баталлаа.